لسه ناوي ع الرحيل
تفتكر ملهوش بديل
اعمل إيه في الوحدة وإنت مش هنا
ومنين اجيب صبر لسنة

من سؤال مهزوم بيترجى الجواب
مش بتقصد عيني يا حبيبي العتاب
سيبك إنت من دموع العين وقولي خدت إيه
شنطة سفر أو إيه فاضل لي
خدت من صبري وطريقي منتهاه
مش معاك نبضي اللي تاه
خدت صورتي
شوف كدا لا تكون نسيت عمري وصباه
ولا إحساسي بكياني، بالحياه
أما حيرتي والعذاب ملكي أنا
هما اصحابي ف غيابك طول سنة

يا حبيبي يا حبيبي
قد عمري قولتهالك
وإنت جنبي ببقى لسا مشتاقالك
ما أنت عارف إنت سامع أنة الليل والشوراع
كل حبّة رمل بتقولك حرام
اتحرم من حضن الخطاوي
وفين أنا والطريق مايل بحمله من العتاب
والنسيم حس بفراقك سحره غاب

كل حاجة رافضه بعدك
مش حتفضل هيا بعدك
صعب أصدق
لو ضروري تسيبني خد مني الحنين
واختصر بعد السنة خليه يومين
قبل ما تسافر يا عمري
اسجن الشوق والمنى
واطلق الصبر فوريدي قبل مايطول بعدنا
حتى لو طال بعدنا إنت هنا