قبل الوصول
وقبل ما هالناس يجون
إنتظرت بشوق واصل للجنون

آه يا كثر إشتياقي
ما بقى في صبري باقي
أتخيل كيف لحظات التلاقي
لما أضمك حيل
كيف تخلص من عناقي

في وصولك بطرز الدنيا ورود
ولما أشوفك يبتسم عندي الوجود
الليل محبوبي يعود
وفرحتي بلا حدود

آه شلي حصل
عيني على باب الدخول
كل من وصل
إلا حبيبي ما وصل
وكل ساعة أقول
متى الوصول لما وصل
لما وصل سلم على كل الحضور
إلا أنا
إلا أنا
وليه أنا شالمشكلة
حارت في قلبي الأسئلة

عيني المحت أحدٍ معاه
واستغربت
شيٍ يشد الإنتباه
ما صدقت
وجاني العلم الأكيد
اللي معاه حبٍ جديد
رديت ألملم خطوتي
ضاقت في عيني سكتي
يا حيلتي
وش حيلتي هذي نهاية قصتي
قصتي