موادع وكل خلٍ جاك
يجيه وقت ويوادع

موادع وكم خلٍ قال
بعد فرقاه راجع
موادع

أعد الوقت بحسابي ليالي
وأشوف حساب غيري له ثواني
غريب الوقت في طبعه يعاند
أبي أطويه ولكنه طواني

حبيبي فارق عيوني ولا جا
تقلب صورته فيني مواجع
غريب الوقت يا ليته يطاوع
يمر يمكن يجي منهو موادع

دموعي تطلب عيوني نهاية
وجرحي ينزف المعنى قصايد
موادع صارت بعمري حكاية
وعمري ماخذ أحزاني عوايد

حبيبي يقبل وقلبي يهلي
يمد إيديه يطلبني أجي له
وإلا من جيته دمعي يهلي
لقيته هاجسٍ ما ينراح له

عجايب كل هالدنيا عجايب
دموع وحزن ومفارق حبايب
تسلي خاطر المحبوب لحظة
ويرجع عاشق لأحلامه خايب

يروح العاشق المجروح يبكي
ويشكي وقت في طبعه مخادع
صحيح الحب في الدنيا ولكن
يعيب الوقت في حبه مخادع