إذا بنحكي عن الواقع كثير أشياء ما تنقال
وإذا بنسكت كثير أشيا صعبه ينحكي عنها

وأنا لا جيت أبشكي لك عن الضيقه ردات الحال
أحس إن السوالف تختلف عن مقصدي منها

وش أحكي لك عن الماضي سوى إنه صار هالرجال
وأشر لك على نفسي وأقول الله يعاونها

أبي أبقى الحبيب اللي تخبره صادق وما زال
وأخاف تجرحك بعض الحقايق لو أبينها

تطمن ما بعد خنتك ولا حتى طرى عالبال
أنا اللي كيف أبا أطمن وأنا نفسي مخونها

تسويها وتسترسل وتفتح دفتر الأطلال
مدام ارتحت لك يا رب سكنها مساكنها

ثقيل الحلم وأحلامي بعيده والدروب طوال
وأنا ما ودي أحكي لك الين أحلامي أضمنها

أبي ليمن حكيت أحكي ولا ألقى شي ما ينقال
وأبي ليمن سكت أسكت ونفسي راضي عنها