زحمة الدنيا
ركضت بزحمة الدنيا أدور خاتمه لكتاب
أبنهي قصة الوحده أحد أطول حكاياتي
وأنا أعرف البشر فيهم خبيث وطيب ولعاب
أنا ما أبي أحد منهم يزود من معاناتي
أبي أعشق مثل غيري أبي أهنى ولا أرتاب
أبي أنهي ألم خوفي أطرد ظل مأساتي
أبي أغفى على صدر يطمن قلبي المنصاب
أبي حب يدفيني ويرسم ابتساماتي
أبي من يسمح دموعي إذا ضاقت بي الأسباب
أبي رأي يرسيني إذا غصت بمتاهاتي
أبي من ما يخليني إذا خلوني الأحباب
أبي أصدق بشر يوفي لو رحت لمسافاتي
بديت أسأل عن أحلامي لقيت قبالي الأبواب
أخاف أدخل ولا أطلع وأغرق في خطيائتي
صحيح إن القدر واحد ولكن للنصيب أسباب
أبي أسعى لغاياتي وخايف من نهاياتي
سمعت إنه محد فيهم صدوق وكلهم كذاب
ولكن رغبتي تفرض أشجع احتمالاتي
لعلي أسعد وأهنى وألاقي خاتمه لكتاب
كتاب داخله يحكي أحد أطول حكاياتي
