لا تمنن بالمشاعر وإنت مالك عندي منه
وش عطيت أكثر من اللي لك من الخافق عطيته

ما عطيت إلا كلام وقلت لك مستغني عنه
كيف أرده لك وأنا أصلا رفضت وما خذيته

إنت يمكن صدق صادق بس صدقك ما كانه
إنت يا اللي ما تشابه حرف واحد لي حكيته

مو مهم اللي تقوله قد وش بتسوي منه
مو مهم اللي تسوي قد هل فعلا نويته

كل خير جاك مني لا تظنه جاك لانه
يحتري ردك قسم بالله ما عمري احتريته

جعل عمرك ما ترده بس حس وقدر إنه
جاك من طيبي وحتى الشكر منك ما رجيته

يا حسافه بس قلبي هذا تالي حسن ظنه
بعد كل اللي زرعته هذا كل اللي جنيته

ما هي منه ولا تدري ليه ما هي منه منه
عطني كل اللي خذيت وخذ ولا شي عطيته