يا ولد لا تسافر عن حبيبك بعيد
ما هقا إنك على فرقا الحبايب صبور
لا تسافر لا تسافر
وإن طرى لك لا تسافر

لا تعنى ترى الفرقا عناها شديد
والهوى تحت ظلعك باني له قصور
لا تسافر لا تسافر
وإن طرى لك لا تسافر

كان قلبك تعند والحبيب عنيد
في مهب الهبايب ضاع ريح العطور
لا تسافر لا تسافر
وإن طرى لك لا تسافر

كم قلبٍ تندم والندم ما يفيد
اغنم اليوم واحذر لا الليالي تدور
لا تسافر لا تسافر
وإن طرى لك لا تسافر

جدد العهد وأجعل كل فجرٍ جديد
فيه للحب لفتة وابتسامة ونور
لا تسافر لا تسافر
وإن طرى لك لا تسافر

وأترك النوح خل الصوت فيه إتغريد
وأنزع من الثرى مع صادحات الطيور
لا تسافر لا تسافر
وإن طرى لك لا تسافر

كل شمسٍ تبين خلها شمس عيد
والليالي قمرها لا يصير مهجور
لا تسافر لا تسافر
وإن طرى لك لا تسافر