وش بلاكِ يا الغزال العارضية
عن مراتعك سليتي أو غديتي
أتردد بالمداهيل العذية
وأتشوف وأتوحى ما بديتي

الهوى مشهاة للقلب ونحية
وعساكِ عن هواكِ ما إنتحيتي
يا عروس القلب من يومك صبية
كل عمري فدوةٍ لك لو بغيتي

المحبة في عروق القلب حية
يا كثر ما فز قلبي لا طريتي
وأهني من نام وعيونه هنية
ما سهر ليلة على ليتك وليتي

يا أحب الناس بالدنيا عليه
أجمل اللي فيني بطوعي خذيتي
فيني من الحب ما يكفي البرية
لو خذوا نصفه حراماً ما دريتي