وأنا لحالي ولا في بالي
أكلم ربع والأصحاب
وبالغلط إيدي فتحت صفحة
ناسيها أنا بالواتساب

بدأت أقرا وأتذكر
سوالف كنت ناسيها
بدأ نبضي يزيد أكثر
بقصة مظلوم أنا فيها

مسح كلام الشوق
إلا صورة اللي فوق
أكيد بدلني بمعشوق

وأخاف إنه بعد الغياب
لقاله غيرنا أحباب

محتار أنا أش أكتب وش أتكلم
أخاف أكلمه يصدني
وإن دمت ساكت راح أتألم
لأن البعد حارقني

أبي أعرف إذا ناسي
أيامي وكل ليالينا
ترى خبري مهو قاسي
يغيب ويبعد يجافينا

قاصد يرجعني
وفي بعاده يحسسني
جنني معاه ودوخني

وأنا إحساسي أبد ما أخاف
بيفتح للقا أبواب

سمعني صوته وسمع صوتي
وقلبي من مكانه فز
عذبني بهمسة فضح شوقي
من اللهفة عليه أهتز

كلامه صار يدلعني
ويشكي لي من غيابي
وكل ما كان يذكرني
يجي ويمر على بابي

وعدني أشوفه قريب
حلف لي عني لا ما يغيب
وطاري الفرقا لا ما يجيب

وكل شي كان حاسب له حساب
عشان إحنا نرد أحباب