الخسران
كيفه هو الخسران
ماني أنا الخسران
كلا على أصله يبان وشهو معدنه
ما شاف إلا الطيب
وفيني قام أيعيب
والعيب ف أهل العيب مو فيني أنا
هوا اللي خسر
وراح يشرب م البحر
راح وبيرجع من الله عطشان
وياما ف البشر
ناس تطعن ف الظهر
عدوان لكنهم في ثوب خلان
وشلون بس شلون
اللي حسبته عون
فجأه طلع فرعون ومن إيده الأذى
خلى عيوني تشوف
غدره على المكشوف
ومن قلة المعروف شلي بياخذه
اللي ما وفى
واللي قلبه ما صفى
ما على مثله حسافه أو لوم
تونا نعرفه
وتو ربّي يكشفه
وتو طلع وجهه الحقيقي اليوم
مجروح وفيني إحساس
ظلم وندامه ويأس
صدمة أعز الناس صدمه مؤلمه
يقولوا غلطه تفوت
ولا منها حد يموت
وتنهد ياما بيوت وأهلها سالمه
غلطه عن عشر
وغلطة الشاطر تضر
لكن تصحي وتعلم دروس
ومن ينوي غدر
فيه دنياه تغدر
والله العالم شتخبي النفوس
