أحبك لو بنحكيها وش أقصاها وش الميزان
اللي برجح بكفه ويرضي البال والخاطر
تعبت من السؤال اللي يقيمني وأنا شتان
ما بيني وبين كل اللي يمر بذا الولح عابر

أمانة لا تجربني غلا ومعاند الخلان
بيهزمني الغلا وأعود أنا اللي بمكسبه خاسر
وش يفيد الكلام اللي يقوله صادق الوجدان
إذا ما شفت فعل اللي يودك بيّن وظاهر

كثر ما قد حكت عيني عن اللي شفت بك لو بان
ترى اللي في النفوس أكبر من اللي في النظر سافر
خذيتك عمر وأسلوب وحياة أكبر من الأوطان
رسمتك في النظر والقلب وأحلام الهوى باكر