كانك تبيها فراق أهلين بالفرقا
لا تحسب إني على فرقاك ما أقدر
أرجوك لا لا تغير رايك وتبقا
مع السلامة وحظ أسعد وأوفر

لا تحسبني في غيابك بتعب وبشقى
أو إن قلبي على الهجران يتحسر
اللي يبيني هلا ما ناحت الورقا
واللي يبي البعد أبي فرقاه أنا أكثر

في ظنك إن رحت عني مستحيل ألقى
غيرك حبيب وتظن إنك ما تتكرر
غلطان بلقى اللي فيه أهيم أنا عشقا
يفهم غرامي ويصون الحب ويقدر

علامها عيونك فدمعتها غرقا
طلبت مني الفراق وقلت لك أبشر
هذه النهاية ولا من بعدها ملقا
صار اللي تبغاه ليه زعلان ومتأثر