عيوني تشوف بس القلب ما شافك
أشوف القلب يجبرني على الصده

جروحي وملتك والخاطر وعافاك
وما عافاك الخاطر إلا واصل حده

ما عاد أبي لك عذر وقت العذر طافك
جيتك أودع زمن ما جيتك أرده

تجفاني أجفى تحب أحبك أضعافك
عودت قلبي كذا في اللين والشده

العاشق اللي رسى عمره على ضفافك
لو راح عذره معه لو كان ما وده

الله لو كان قلبك يشبه أوصافك
ما كان شفت الوصل دمعه على خده

سلمت لك مركبك بحرك ومجدافك
حس بشعور الفراق اللي بلا رده

البادي أقسى وأنا ما أدور إنصافك
يمديك تندم علي لا طالت المده

بأمشيك يا سكة الفرقا ولا أخافك
وإن كان دربك طويل فخطوتي قده