صبرك علي شوي ويضحك زماني
الصبر نصف العشق والعشق غلاب
لا حول لا قوه وأنا في مكاني
ربك هو العالم والأدرى بالأسباب

يا صبر لو حسيت باللي بلاني
مديت مفتاح الفرج وانفتح باب
طاوعت قلبي فيه حتى عصاني
لا الوقت ودى في غيابه ولا جاب

وين الحبيب اللي يحس ويعاني
قبل أشتكي وأسمع ملامات وعتاب
من نظرتي يقرا كلام ومعاني
ويرد عني الجرح من قبل ما أنصاب

كان يتعزز لي وأخيراً جفاني
مدري حقيقه أو روايات في كتاب
أقفى وأنا مدري أظنه نساني
وألّا الأمل موجود والظن كذاب