من متى ما قلت لي كلمة حبيبي
ومن متى ما قلت هالكلمه أنا
رغم طيبة قلبك وقلبي وطيبي
شف ظروف الوقت وش سوت لنا

إنت عيبك ما تحسسني بعيبي
وأنا عيبي ما أحس إنك هنا
قل لشمس الشوق عودي لا تغيبي
كلنا مخطين والله كلنا

يشهد الله وإن كذبت الله حسيبي
ما أشوف إلا إنت لو غيرك دنا
كل جرحٍ فيك أحسه من نصيبي
البرودة والقساوة والعنا

إن قسينا طيبتك تشكي لطيبي
وإن ضحكنا تضحك الدنيا لنا
القلوب تحب كلمة يا حبيبي
قلتها لقلبك بقى قلبي أنا