وحيد وحوله أحبابه
يحس إنه وحيد
يكابر كل ما صابه
يظن إنه يفيد
لو المصباح في إيده
يلبي ما بغى سيده
طلب يرجع له الغايب
وغيره ما يريد

وحيد وموعده سري
ولا حيٍ درى
أكيد من هو اللي يدري
مدام إنه سرى

يقابل طيف معشوقه
ويحكي له على شوقه
ويحضن طيفه الغالي
ويشكي ما جرى

وحيد ويحتري باكر
يبي يخف الألم
وغيره يبني لباكر
وهو به ما حلم
كثير اللي حكى ولامه
يقول العمر قدامه
صحيح الناس لوامه
قليل اللي فهم

وحيد ما وده يتناسى
ولو يبغى نسى
عنيد من قسوة حياته
على نفسه قسى

عسى الله يلطف بحاله
يزين الكون يصفى له
مثل ما حطم آماله
ينسيه الأسى