أصابعك تفرق ماني مثل غيري
كلن له إحساس وكلن له ظروف
جيتك وأنا أحسك هواي ومصيري
شايل بصدري قلب صادق وملهوف

يا شمس باكر يا ضماي وغديري
البعد كذب وقربك أصدق من الشوف
من أولي واضح معك لين آخري
وأنا معك بالذات باين ومكشوف

تدري على قدومك أنا شفت خيري
كمل جميلك فيني سو معروف
عطني قليل وهاك مني كثيري
يكفيك حيرة ضيع أحلامك الخوف

اللي وصف شوكي يتناسى عبيري
والشمس تبقى شمس ما ضرها كسوف
ما همني فيهم مريح ضميري
صدقني إحنا لبعضنا بكرة بتشوف