احتياجي لك سبب خوفي عليك
أتعبوني حيل وأتعبني السهر
كل هذا بعد بس الله يهديك
لا تهل ولا تلوح ولا تمر

إنت ما فكرت في اللي يحتريك
كيف يسلى عنك واللحظة دهر
إنت بس اكذب علي وقل لي أبيك
لا عزم النجمات وأهدي لك قمر

آه منك وآه من هذي وذيك
خطوتي ودروبها شوك وجمر
كل ما جيت أبتدي منك أبتديك
وين ما صديت لك وجهة وخبر

يا المفارق وش بقى غير أرتجيك
دام باقي للرجا فيني عمر
عاندتني عبرة عذرى تبيك
كيف أبجحدها وهي ذم وعذر