تغيرنا ولا ندري متى حنا تغيرنا
بنا تاهت مدارات الليالي والعناويني
طفى نور الكواكب والقمر أصبح بلا معنى
ولا عاد الربيع وزهره النادي يسليني

تصافحنا بلا شعورٍ وأحس أنا تخدرنا
بروده في يدينك ولّا أنا إحساس ما فيني
حكينا ضاع والمعنى توقف في حناجرنا
وعين الحق ما تنظر وعيت لا توريني

ظروف الوقت غدارة أو إحنا اللي تعثرنا
نمشيها على الساهل ولا قلنا على ويني
حكي فاضي بلا معنى تسّيد في مجالسنا
ولا ندري من العدوان فيهم والمحبيني

تجرحنا سيوف الغدر لكن ما تعلمنا
بان اللي ضحك لي يوم ما يقدر يواسيني
إلهي جمع قلوب على الطاعة تكاتفنا
وعلى نهج الرضا نفخر بانا لك ملبيني