يا خطر منك الخطر وإنت الخطر
من تعرض للخطر عمره خطير
يا شعاع الشمس يا نور القمر
البهاء والملح مالك به خشير

يعلم الله
والعرب ما يعلمون

يا قمر ليت العمر كله سهر
معك يا ساهر على غيم الحرير
السحر ساعة فراقك إنتحر
والشفق لشفاهك الحلوة أسير

يعلم الله
والعرب ما يعلمون

عزتي للي كذا مثلي سهر
ما ينوم الليل من فرقا العشير
سيداً للبيض ما مثله ظهر
طاغياً بالزين والملح الكثير

يعلم الله
والعرب ما يعلمون

يا بدر ليت الدهر نصف الشهر
وإنت لي دنيا ونور لي تصير
يا قدر ربي عسى عقب السفر
سائلك ربي على الجمعة قدير

يعلم الله
والعرب ما يعلمون