يا ظالم أرتجي صفحك أعذرني أنا برحل
أنا ربّي خلقني غير وفاي يعاتب جراحك

كثير اللي حصل منك خجلت إني عليك أزعل
ولكن ما قدرت أوفيك طعوني تشكي رماحك

أنا المجروح وجروحي تقول الحلم ما يكمل
تخيلتك نهار العمر وأثاري الليل يجتاحك

تعاتبنا من اللي في حياتي أجمل وأكمل
غدرت إنت ولكن قلب يحبك حلل وباحك

كتبتك للعمر فرحة ولكن خفت لو أسأل
إذا هالوقت بي أظلم تشح بنور مصباحك

أبرحل لا توادعني وداعك يشبهك وأجمل
من أيام بكت غدرك وعمر حبّك وصاحك

يا ظالم لي هنا يكفي وش اللي أرتجي يحصل
جروحك تشبه جروحك رماحك نفسها رماحك

تعال أطلبك لي حاجة قبل ترحل وأنا أرحل
خذ اللي باقي فيني وخذها آخر جراحك