من ينادي والهقاوي تبتعد فيك وتجيك
وأنا أصلا من عرفتك مالي في ظني إثم

كل ودي وكل شوقي وكل ما فيني وفيك
يرتجي يبعد ظنون البعد وكأنها بس وهم

تدري إني من محبة صدق أنا خايف عليك
صادق شعوري تجاهك لا تظنه من عدم

رح على كيفك وعود أنا لازم أحتريك
والأمل فيني لحبك كل إحساسي فهم

التفت يمكن بصدفة كل صدفة تهتديك
والأماني والتوجد ودمع عيني ما سلم

كل ذكرى فيك ومنك والليالي تشتريك
بس أبدأ بالحقايق كودها لي تنرسم

كل ما فيني صراحة كل ما فيني يبيك
حبّك بقلبي حقيقي ما هو مجرد حلم

والله إني يا حياتي وفي حياتي بس أبيك
أرحم أيامي بقربك ترضى لو قلبك ظلم