طاول الصبر يالمجمول والإنتظار
وش سبب غيبتك يا صاحبي وش جرى

كني بقصى الحشا من عقب فرقاك نار
دوك جرح الغلا في ضامري ما برى

أتصور خيالك كل ليل ونهار
والهموم وغرامك في الضمير اقصرى

كان رجلك عليها عن مجيك حيار
خل بينك وبين اللي يودك ذرى

كان ودك تقدم لي عذر واعتذار
أصبح الحب مثل البيع والمشترى

صار مالي ولا لك في الوصال اقتدار
أشهد إنك بعيد الماء قريب الثرى

المودة مصايبها تراهن كبار
ليت قلبك عن اللي لك في قلبي درى