أشغلتني من بعد ما كنت خالي
وعلمت عيني الدمع وقلبي ونينا
ياما جرالي منك ياما جرالي
والمبتلي بالحب ربي يعينا

أغليك و مدري ليه دايم تغالي
وتمن بوصالك عليك و علينا
تبعد وتهجرني و أنت إقبالي
ولا أبعدت عنا علوم شوقك تجينا

تسقي من العاكر ونبعك زلالي
مدري تخاف من الهوى أو تهينا
غريب طبعك والغريبات فالي
محظوظ أنا من كل زين بشينا

أول اسمي كل عشقٍ اهبالي
والوم ضعف اللي يحب وادينا
واليوم أنا شفت الهزاوي بحالي
كن الهوى داين و أنا أرد دينا