اشتاقلك

اشتاقلك وأهواك وصل وقطاعه
واشتاقلك شوق الصحاري للأمطار

اشتاقلك في كل لحظة وساعه
أنت الربيع وشوفتك تنبت أزهار

فيكم هوى قلبي يزيد اندفاعه
حتى عبرت بحبكم كل الأخطار

ما غير صوتك ينطرب لي سماعه
ما غير وصفك فيه الأفكار تحتار

لا شفت نور الخد يضوي شعاعه
مثل القمر لالاح في وقت الأسحار

لا سلهمت نجلك فقدت المناعة
يتوق قلبي منك ويبوح الأسرار

حبّك ملى عيني وقلبي قناعه
وما بي سوّى حبّك لاصار ما صار

تأمر وقلبي قال سمع وطاعه
مثلك يلبى مطلبه لو بالأعمار