كلما عرضت لي بأحلى الكلام
شفت نظراتي بنظراتك تذوب
تلتقي النظرات من قبل السلام
ونظرتك تسبق على ملك القلوب

إنت اللي دخلتني بحر الغرام
بالمحبة واللطافة يا محبوب
رحت في غيبات سجات الهيام
وقلبي اللي راح بيدينك لعوب

شفت سهم الموت من تحت اللثام
فاتنات الرمش والطرف الجذوب

وأعذابي منك يا سيد الأرام
يا عذاب الروح يا الغر اللعوب
بوجبينٍ مثل براق الغمام
أو كما شمسٍ تهيف للغروب

إن سالت الحال فالحال انعدام
وإنت تدري الحب سلال القلوب