نحمد الرحمن الفرد الإله
فالق الإصباح رب العالمين
نحمد اللي قد تبارك في علاه
يجزي بالإحسان كل المحسنين

نحمد الله سلم الفهد وشفاه
خادم البيتين ذخر المسلمين
نحمد الرحمن من فضله عطاه
السخاء والطيب والعزم المكين

الإمام اللي عرفنا مبتداه
شاد صرح العلم بالله مستعين
والإمام اللي عرفنا مبتغاه
خدمة الإسلام وبلاده تزين

عنده الحكمة ألا من هو سواه
هاجت الأيام جوا له مسرعين

الزعيم اللي إلا اشتدت نصاه
من جميع أجناس عرب وأعجمين
الزعيم اللي به أعلينا الجباه
ديرته عدى بها عمر السنين

والزعيم اللي سكن وأسكن غلاه
في قلوب الشعب ولشعبه أمين

وزع القرآن والقاصي قراه
وسع البيتين للي زائرين
انصره يا الله ما قامت صلاة
وما سعى ساعي وطاف الطايفين

واجعل الجنات يا ربي جزاه
مع عبادك فوق أصحاب اليمين