يا بعيد وجابك الله
لين عندي وصلك

ما تمنيتك لأنك كنت أبعد من خيالي
ما خطر في بالي مرة إني ممكن أوصلك
كنت أشوفك مثل نجماً في السماء ساطع وعالي
يا بعيد وجابك الله لين عندي وصلك

جيتني مثل الشروق اللي محى عتم الليالي
جيت فرحه للحزين اللي من همومه هلك
جيتني وإنته يحبك ألف محبوباً بدالي
سخرك سبحانه اللي في عيوني كملك
يا بعيد وجابك الله
لين عندي وصلك

هو صحيح إحنا التقينا هو صحيح أنت قبالي
هو صحيح إني حبيبك كان لي حق أسالك
كان لي أحلم طلبتك خلني هايم لحالي
خلني بالحلم عايش فيه دامي به معك
يا بعيد وجابك الله
لين عندي وصلك

ممتلي بالحب قلبي وغير قلبي قلب مالي
أهدني قلبك حبيبي خلني فيه أعشقك
خلني فيه أعشقك
يا بعيد وجابك الله
لين عندي وصلك