على البال
كل التفاصيل على البال
وأحلى التفاصيل على البال

والحل والترحال
والنار والهيل
والقمرة اللي نورت ليل ورى ليل

والنظرة المكسورة
والبسمة المقهورة
والخطوة المغرورة
وأحلى المواويل
دايم على البال

مدري إلى اليوم
والّا الزمان أنساك
يا قلبها قلبي

مدري إلى اليوم
توله على مضناك
والّا أنتهى حبي

يا قايد الريم ذكراك
ما غيبت عن خاطري ساعة
الروح لك يا ساكن الروح نزاعة

متى الوصل قول
بجيك وأسابق الساعة
يا اللي على البال

كم شمس غابت وأنا أشوفك
شمس الضحى اللي تباريني
وإلى منع جيتك خوفك
نورك فلا غاب عن عيني

الحب تدري ما هو بيدي
سيدك تراه الهوى وسيدي

أبيك تبدأ مواعيدك
والّا أببدا مواعيدي
اللي على البال