لا يطول غيابك ثم أخذ عليه
لو تخليت عني عنك قلبي تخلى

العذر والتعلل والحكي ما نبيه
من تحرك فؤاده بالهوى ما تغلى

طبعي الصبر لكن وش عليه أرتجيه
من طويل الصبر يعقوب وأيوب ملى

دامني حي عطني وش بقى نحتريه
مابي دموعك اللي عقب موتي تهلى

ما بقى بالعمر مقدار ما راح فيه
كل ما زل يومٍ يوم بالعمر ولى

ما يعرف الجمر مثل الذي يكتويه
أحد يدفى بناره وأحد فيه يتصلى

يا من القلب حطيته براحة إيديه
ما رضى له مكانٍ غير كفك محلى

كم تعذر وعيا عن هوى مهتويه
لين طاح بيمينك بالغرام وتجلى

لا يطول غيابك ثم أخذ عليه
لو تخليت عني عنك قلبي تخلى