هلا بالطيب الغالي
عزيز وشوفتك منوه
ترى ما جاء على بالي
بشوفك عيونك الحلوة

هلا يا مطول الغيبة
من قليبي أهلّي به
يطير الطير بالعالي
ومرد القدرة تجيبه

رقص من شوفتك قلبي
بصدفه ساقها ربّي
بلا ميعاد يا حبي
تلاقى دربك ودربي

ومن شفتك تناظرني
تغير كل ما فيني
لا عاد أكثر تحيرني
ترى ما فيني كافيني

صغير خله يتدلل
أحبّه ولازم أتحمل
يقول إنه بيخاصمني
وينوي القول وما يفعل

ولا يخفاك عليك خافي
أحبك يا ذهب صافي
ولو تآمر على روحي
ترى بحقك ما هو كافي