طحت من عيني بعد ما كنت عالي
وحبك أرخصته بعد ما كان غالي
كل شي برضاه منك إلا الخيانة
بعدها يحرم على حبك وصالي

كم سهرت أيام في حبك مولع
ما دريت إنك بتمثيلك خيالي
أشتكي لك منك وأشكيك العدالة
كل منهم قال قلبك ما صفالي

كنت مالي كل قلبي وكل عيني
وكنت أحسب إني وسط قلبك لحالي
وأثري قلبك كل يومٍ له حبايب
وأثري قلبك من إحساس الحب خالي

يا خسارة وقت في حبك قضيته
ضاعت أحداثه هدر طول الليالي
روح أنا ماني متحسف ابعادك
بس أعزي من بيرضى بك بدالي