مرتاح وياه فاهمني وفاهم له
أنا عجبته وهو حيل عاجبني

الحب قالوا عذاب وقلت لا بالله
شوفوني وشلون أحبّه وما يعذبني

لو يطلب الشمس قلت المسألة سهله
يا مر حبيبي أنا ما بيه يطلبني

إن كان ما أتعب لعينه منهو أتعب له
تعبه راحة أبيه أكثر يتعبني

ما شفت زيه ولا باللقا أبد مثله
ياقف بصفي لو العالم تحاربني

يكفيني إنه يجيني بالغلا كله
يكفيني إنه نسى ربعه وصاحبني

يطيح قلبي إذا ناظر على غفله
إن فتح أضيع وإن غمض يذوّبني

يا اللي تعاتب خليل ذاب في خله
أراهنك لو تشوفه ما تعاتبني