هين مردك للفرج يا أكبر الضيق
دام الليالي تقتفيها ليالي
هي بس تبغى طول صبر وتوافيق
وأشيل هم الناس كله لحالي

يا حلمي اللي مالك اليوم تحقيق
حبك حقيقي بس وصلك خيالي
والحب يفضحني وإن أخفيته يويق
وإن ما مضالي بالوفا ما بقالي

جرحتني مختار يا حالي الريق
وأسامحك مجبور يا راس مالي
ليت الهوى جمعه ولا فيه تفريق
أو ليت ما للبعد في القلب صالي

يا صاحبي وإن شلت لك فوق ما أطيق
فأنا لحالي جيت وأرحل لحالي
وهين مرده ينتهي كل هالضيق
دام الليالي تقتفيها ليالي