ماعلى الدنيا ضمير مستريح
قالها اللي قالها والله يعين

إن طردنا مزن ديدومه يطيح
انتحانا من يسار ومن يمين

وإن تعشمنا على ولف مليح
تقلعه الأيام قلعة وادرين

والله لولا الريع لا ونط واصيح
لين ينتق عرق من عرق الوتين

غير قيل الدمع ماعالج جريح
مالنا إلا يامعين الصابرين

ما كلاها فالزمن غير الصريح
وأبو جاتك والشلي والمستحين

ولا كسبها فالزمن غير البجيح
والملكع والمنافق واللعين