روح له وبوس راسه
وقول له هالبوسه مني
حايله تكفى بسياسة
كلمة بشويش عني

قل له ما كان متعمد
للخطأ ما كان يقصد
يمكن النار تبرد
وأعتذر منه بسلاسة

وأنا ما أستغني عنه
الله لا يحرمني منه
دنيتي وياه جنة
هو ذهب عمري وماسه

أنا من غيره حياتي
ضايع وما عرف جزاتي
معه أحلى ذكرياته
يا عسى يسلم لي راسه

ودي لو تقعد قباله
تفهمه إن حالي حاله
منيتي يكون بلحاله
تكفى ما هو بين ناسه

روح له ومزاجه رايق
وضح بصدق الحقايق
وإني بالحيل متضايق
دنيتي هم وتعاسه