الظاهر تعود على اللي يسويه
إن قلت له مجروح صد وتبرا
ما همه اللي صار في قلب مغليه
جلدٍ ما هو جلده على الشوك جره

الجرح جرح القلب وأزريت أداويه
ويا حرة المشتاق ألفين حره
ما جاه مني غير حاضر ولبيه
ما جاني منه غير هم ومضره

له في عيوني نظرةٍ كلها ليه
ونجمة غلا عدت حدود المجرة
ولي في عيونه آهتاً تشتعل فيه
حلمٍ وقف لي والمقافي المره

لا خنت شخص لا تحاول تواسيه
اللي حصل ما عاد ينساه مره
ولا صرت متعود على اللي تسويه
جلدٍ ما هو جلدك على الشوك جره