على الدنيا أبد ما مر ليل يشبه لليلك
ضويتي فرحته يا نوف صرتي ضي نجماته
ومعذور المسا لا قام من فرحه يغني لك
يشوفك بين اهل واحباب معهم طابت أوقاته

كثيرة هي تفاصيلك ويا ندرة تفاصيلك
ولا غيرك يشابه لك وحسنك يشبه لذاته
بياض الغيم كنه طهر تسبيحك وتهليلك
يا ألطف من ندى فجر تضم الورد نسماته

ونورة دوم يا نوفه تفاخر بك وتدعيلك
ونورة نبع جود وطيب ما نجهل حكاياته
عليك تسمي ودمعات فرحتها تراعيلك
تزفك من شافك غلاه و كل غاياته

ويطيب المدح في بندر وهو بالحب باني لك
بقلبه دار وبقلبك وطن يحيا بنبضاته
عسى تجمعكم الفرحة عسى في صبحك وليلك
مسرات وهنا بقربه وهو بقربك مسراته