افتقدنا الصدق في هذا الزمان
ما بقى للحب معنى للأسف
الوفي عقب الوفا جافا وخان
والردي أخطا وكابر ما أعترف

كان ياما كان ياما كان كان
الغرام الي عرفناه اختلف
ومن يبي له حب لازم له ضمان
يفرق المعدن عن اشكال الخزف

من يصدق إن صلب العود لان
لان لكن جفنه ابدا ما ذرف
التباهي صار واضح للعيان
وكل شخص يتباها كم عرف

آه يا قلب من الأحزان هان
والعذاب الي يشوفه ما أنوصف
ليتنا نرجع إلى هاك الزمان
نعشق من القلب ونحب ونعف