ابعد بعيد وخل ماك بسحابك
الله ياني منك بالحيل مقهور
إن جيتني ماني بقايل هلابك
وإن عاد جيتك لا تسميني منصور

أهديت لك وردي وتهدي حرابك
تعطيني الظلما وأنا أعطي لك النور
قفلت بابي قبل ما تصك بابك
أنا ما حب أنا اللي دايم يلف ويدور

وفاي ما جابك ولا الطيب جابك
مدري على وشهو معقد ومغرور
إن كان غرك يوم كثروا صحابك
اسأل وتلقالي من الناس جمهور

إن قلت مهما قلت محدٍ درابك
أنساك في لحظة وتذكرني شهور
خلك على دربك وصدق سرابك
ما دمت ما تفهم ولا تسمع الشور