سألتك بالذي حطك على راس المحبة تاج
تحبني وإلا تتسلى بأحاسيسي و وجداني

وتحتاج لغلا قلبي مثل مالك أنا احتاج
أو إني بعد ما افارق حدود الشوف تنساني

حبيبي عايش بحيره واقلب صفحة الأبراج
وضعت بعدل ميزانك وصمت وظلم ميزاني

أنا مثل الذي تايه وينظر من بعيد سراج
فلا نوره وصل دربي ولا ملقاه دفاني

تعال اصير لك شاطي إذا حزنك يصير امواج
تعال وخذ فرح قلبي إذا قلبك بدا يعاني

حرام نعيش في دنيا الخجل والصمت والأحراج
وأحبك كلمه عل لسانك وملت تسكن لساني