بس اسم إنك معاي وحولي ومنتب بعيد
الشعور الصدق عندي يغني عن كل الشعور
لا تسافر وإنت وحدك في فضا صدري وحيد
وإنت ادرى في حبيبك خافقه ماهو صبور

كلما ترحل تسافر ترجع اشواقي تزيد
وإن رجعت وشفت زولك آه يازين الحضور
إنت ما غيرك احسه بالغلا غير وفريد
طالبك سامح شعوري أن بدا منه قصور

لو بقول إني ولهتك خير يعني شالجديد
وإنت أدري في شعوري من زمان ومن شهور
إني ما اقوى غيابك واني بغيابك فقيد
وإن ما غيرك ملاني من حضور اليا غرور

اسأل انفاس الأماني وانشد الشوق العنيد
وش كثر فرقاك عندي ضيق وأوهام وشرور
تدري اسم إنك معاي وحولي ومنتب بعيد
هالشعور الصدق يغني والله عن كل الشعور