وين إنت رايح وإنت فالقلب مسجون
الحب تهمه خذت فيها مؤبد
مجنون راضي لو يقولون مجنون
جاك الخبر والعلم شي مؤكد

خلك معي في القلب شاكر وممنون
اغفى حبيبي هاك قلبي توسد
أكون فيك ومن غيرك اليوم ماكون
خطير لا عزمت الفرقا اتشهد

تمون غصب أدري على قلبي تمون
لكن طلبك هاليوم متعدي الحد
بتروح ممنوع صادر فشرعي قانون
لا يفيد قاضي لا محامي ولا حد

طبعي معك واضح وترانى ومضمون
ما بيك في حبّي تشك و تردد
وحدك سكنت الروح والبال والنون
يالي غلاك فكل لحظة يتجدد