أكتب بريشتك شوقي بين الحالي
وأرسم على قلبي يا فتان لك صورة
أخايلك بالحبايب وإنت تبرا لي
من فوق شط يهيم الشوف في بحوره

تمشي بجنبي وأشوفك وأثرك ظلالي
والنفس عطشى وحولي الأرض ممطوره
يكفيك هذا وهذا منك يحلى لي
واليا عذل عاذل صديت عن شوره

أقهر عذول الهوى يا طيب الفالي
نفسه غدت من كلام الشوق مقهوره
لا من لمحتك بين الناس تختالي
يفز قلبي فزيز الطير بسيوره

أبديت ما في الحشى يا شوق ما أبالي
لو فيه موتي تموت النفس مزروره
أسمع كلام العرب وأسج بالحالي
وش عاد برجي ما دام العمر لي نوره