ما عرفنالك يا عسى الله يعينك
ما عرفنا عذولك في الهوى هو ظنينك
ما عرفنا لك دروب
يا عسى الله يعينك

إنت قلبك توسع بين خلانك أجمع
غايتك تجمع قلوب
ليت لك عين تدمع ليت لك أذن تسمع
قلبي يشتاق ويذوب

وين حبك وعهدك وين صافي حنينك
ما عرفنا لك دروب
يا عسى الله يعينك

إنت ما ظني تهوى بين رجوى وهقوى
الوفا منك مسلوب
وأنا ما أظني أبقوى كان بالحب شكوى
بين طالب ومطلوب

كل جرح جرحته في المحبه يدينك
ما عرفنا لك دروب
يا عسى الله يعينك

غلطة العمر حبك يوم صافيت قلبك
خنتني مير بأسلوب
احمل الهم وحدك دامه الذنب ذنبك
ما لك اليوم محبوب

حس باللي نحسه لا تضيع سنينك
ما عرفنالك دروب
يا عسى الله يعينك