مش قادرة لسه أصدق
إنك إنت بقيت معايا
وخلاص كل إللي ياما حلمت بيه
بقى بين إيديا

مش عايزة حاجة تاني
خلاص حبك كفاية
وأحلم وأتمنى إيه من الدنيا
ده إنت كتير عليا

ربنا يخليك لقلبي
تبقى طول العمر جنبي
كل ما أسمع حاجة عنك
بعرف إني إخترت صح
كان لقانا أحلى صدفة
يا إللي جنبك ببقى عارفة
إنك إنت جيت حياتي
تملى كل سنيني فرح

من حسن حظي إني قابلتك
تقدر تقول جيتني في وقتك
ما أنا كنت قبلك مش عايشة
وخلاص هعيش

ياما عليك كنت بدور
وبجد مش قادرة أتصور
لو عمري كان قبلك عدى
ما قابلتنيش

ربنا يخليك لقلبي
تبقى طول العمر جنبي
كل ما أسمع حاجة عنك
بعرف إني إخترت صح
كان لقانا أحلى صدفة
يا إللي جنبك ببقى عارفة
إنك إنت جيت حياتي
تملى كل سنيني فرح