مش هتكلم
لو إتكلمت هتحس اللي أنا حساه
هتعرف إن قلبي شايلك إيه جواه
مافيش ولا كلمة توصف اللي أنا عايشاه

أقولك إيه
كلام الدنيا ما يكفي اللي حاسة أنا بيه
يا حلم حلمته من بدري وعايشة عليه
بحبك حب لا قبله ولا بعديه

وأنا وياك
بحس أنا مالكة كل الدنيا في إيديا
ولا شايفة ولا سامعة اللي حواليا
ده حبك حلى شكل الدنيا في عينيا

وأنا جنبك
بحس حاجات بتحصلي ما بفهمهاش
كإن أنا قلبي كان ميت وشافك عاش
دي فرحة بكل معانيها معاك تتعاش

ده حب كبير
ده حب بجد مش نزوة يومين وتطير
ده حب معاه بقيت أقوي كتير وكتير
ده أنا لو بس عين غيري تشوفه بغير

وأنا وياك
بحس أنا مالكة كل الدنيا في إيديا
ولا شايفة ولا سامعة اللي حواليا
ده حبك حلى شكل الدنيا في عينيا