يا زعلانين
فادكم بإيه الزعل يا ناس
هي السنين
فيها كام سنة يضيعوا وخلاص
ليه تشوفها مرة ده العمر مرة
ده العمر مرة والفرح لايق عليك قوي بالمقاس

يلا نبعد عن اللي يأثر عالنفسية
يلا نعدل مزاجنا ويبقى مية مية
يلا لو قولنا خير هنلاقي الفرحة جاية
يلا لو ضاقت حبة نصبر عادي يعني
يلا مش هتفيد الهموم وإسمعها مني
يلا عايزين نقوم مع بعضينا ونغني

إضحك وقول للناس فوايد الانبساط
عندي الحلول حلوة وهتنسيك اللي فات
كبر دماغك وإنسى اللي سابك
جرب هتفرق لو تسمع مرة الكلام كدة من سكات

الساعة كام قوم شوف بقالك قد إيه
عمال تفكر فيه إيه الحياة واقفة عليه
عايزاك تروق حبة وتفوق
وإنسى اللي حاصل واللي عاملك صداع وإردم عليه

يلا نبعد عن اللي يأثر عالنفسية
يلا نعدل مزاجنا ويبقى مية مية
يلا لو قولنا خير هنلاقي الفرحة جاية
يلا لو ضاقت حبة نصبر عادي يعني
يلا مش هتفيد الهموم وإسمعها مني
يلا عايزين نقوم مع بعضينا ونغني

هتعدي عادي
لمّا إنت تبقى في الدنيا راضي
وتقول لنفسك إنك معادي الحزن واللي يزعلك
دي الدنيا كوم
وإنت اللي زيك فيها كوم
فوق يا عم ويلا قوم كبر دماغك قلت لك

جرب كلامي مرة
ده الضحكة ليها طلة
بتخلي الدنيا فلة

يلا نبعد عن اللي يأثر عالنفسية
يلا نعدل مزاجنا ويبقى مية مية
يلا لو قولنا خير هنلاقي الفرحة جاية