وين المحبة كيف قلبك نسيها
وين المشاعر اللي كنا عليها
وين العواطف كلها يا حبيبي
أحلى الليالي اللي عشناها نبيها

كل السنين اللي مضت عشمتنا
غرتنا الدنيا وتالي خدعتنا
أمنا للأيام واهيا فرقتنا
دنيا غريبة الله أكبر عليها

كيف أتبرى مني يا أعز غالي
كيف أتجاهل حبّي وانشغالي
ولّا الزمن نساك حالك وحالي
نسيتي عشرتنا وقلبك نسيها

إرجع تعال نكمل اللي بدينا
ذاك الغرام وحبنا اللي بنينا
حرام نهدم ما بنينا بدينا
ترى العمر واحد وتمضي سنينه