هلا باللي تمنيته سنين وشافته عيني
أنا شفتك حقيقه حلم هوجاس وسهر واحلام
كثير أجمل من اللي شفت وتخيلت بسنيني
كثير أحلى من الواقع كثير أجمل من الالهام

أنا جرحي حملته لك دخيلك بس داويني
ونسيني عناء شوقي وهمي ولوعة الأيام
أنا ظامي وتدري زين وش اللي منك يرويني
أبغرق في نهر قربك من اطراف القدم للهام

لمحتك قلت ما شاء الله يا زين المزاييني
على رؤوس العذارى تاج وفي وسط الكلام أنغام
حسدت بشوفتك عيني حسدت بلمسك إيديني
ومن زينك لو إني حاسدٍ نفسي ترى مانلام

خطفت من القمر نوره وصرتي دوم تضويني
ولا غيرك يهز القلب ولا غيرك بحضنه أنام
أنا أحبك وأنا مدري تبيني أو تحبيني
وكاد إني أحبك حيل وتموت بوصفك الأقلام